یوایس اوپن‘ اعصام آج ایکشن میں نظرآئیں گے ووزینسکی ابتدا ہی میں ناکام

یوایس اوپن میں پاکستانی اسٹار اعصام الحق اور ان کے ڈچ پارٹنر جین جولین روجرز پہلے رائونڈ میں جمعرات کو قازقستان کے میخائل کوکوشین اور چائنیز تائی پے کے لویوشن کیخلاف میدان میں اتریں گے،


دفاعی چیمپئن ڈیجووک ، سرینا ولیمز اور اگنیسکا ریڈوانسکا نے فاتحانہ آغاز کرلیا جبکہ سابق ورلڈ نمبرون کیرولین ووزینسکی کو ابتدا میں رومانیہ کی ایرینا کمیلا بیگو نے باہر کا راستہ دکھادیا، بیگو اسٹریٹ سیٹ میں 6-2،6-2 سے فتحیاب ہوکر دوسرے رائونڈ میں پہنچ گئیں،

ڈیجووک کو اطالوی حریف پائولو لیورنزی کو ٹھکانے لگانے میں صرف 73منٹ لگے، تین مرتبہ کی چیمپئن سرینا نے ہموطن امریکی حریف کوکو وینڈی ویگے کو تختہ مشق بنایا جبکہ وینس نے بیتھنی میٹک سینڈز کیخلاف فتح پائی، اگنیسکا ریڈوانسکا نے نینا پر غلبہ پالیا۔