تھر فاؤنڈیشن اور محکمہ جنگلات میں شجرکاری معاہدہ

تھر فاؤنڈیشن اور اینگرو پاورجین تھر لمیٹڈ نے شجرکاری کی نشوونما اور ماحولیاتی تحفظ کے لیے محکمہ جنگلات کے ساتھ معاہدے پر دستخط کر دیے ہیں۔

سندھ اینگرو کول مائننگ کمپنی کے ذیلی دارے تھر فاؤنڈیشن اور اینگرو پاورجین تھر لمیٹڈ نے سندھ خاص طور پر تھرپارکر ضلع میں شجرکاری کی نشوونما اور ماحولیاتی تحفظ کے لیے1لاکھ پودے لگانے کے لیے محکمہ جنگلات کے ساتھ ایک معاہدے پر دستخط کر دیے ہیں۔

 


معاہدے پر سندھ اینگرو کول مائننگ کمپنی کے ڈائریکٹر سائٹ آپریشنزسید مرتضیٰ اظہر رضوی اور محکمہ جنگلات کے چیف کنزرویٹو ریاض وگن نے دستخط کیے۔ یہ معاہدہ تھر فاؤنڈیشن کے ''تھر ملین ٹری پراجیکٹ کا حصہ ہے۔

یاد رہے کہ تھر ملین ٹری پراجیکٹ کے ذریعے 2019 تک دس لاکھ درخت لگائے جا رہے ہیں اور اس وقت تک تھر ملین ٹری پراجیکٹ کے تحت سات لاکھ درخت لگائے جا چکے ہیں۔

اس موقع پر سندھ اینگرو کول مائننگ کمپنی کے ڈائریکٹر سائٹ آپریشنزسید مرتضیٰ اظہر رضوی نے کہا کہ سندھ اینگرو کول مائننگ کمپنی تھرپارکر کے ماحول کو صاف رکھنے کے لیے بھرپور طریقے سے عمل پیرا ہے۔