وینزویلا کی جیل میں قیدیوں کے درمیان تصادم 16قیدی ہلاک متعدد زخمی

وینزویلا کی جیل میں قیدیوں کے درمیان تصادم کے نتیجے میں 16 قیدی ہلاک جب کہ متعدد زخمی ہوگئے۔

غیر ملکی خبر رساں ایجنسی کے مطابق وینزویلا کے وزیر جیل خانہ جات کے مطابق مراسائی بو نیشنل جیل کو قیدیوں کے درمیان ہونے والے تصادم کے بعد خالی کرالیا گیا ہے جب کہ قیدیوں کو قریبی جیلوں میں منتقل کر دیا گیا ہے۔ انہوں نے بتایا کہ مراسائی بو نیشنل جیل میں قیدیوں کے درمیان ہونے والا تصادم اس قدر خطر ناک تھا کہ کچھ لاشیں نا قابل شناخت ہو چکی ہیں، قیدیوں سے ملاقات کے لئے آنے 200 افراد کو بھی تصادم کے وقت جیل میں موجود تھے جنہیں بحفاظت نکال لیا گیا ہےجب کہ زخمیوں کو مختلف قریبی اسپتالوں میں منتقل کر دیا گیا ہے۔

واضح رہے کہ وینزویلا کی مراسائی بو نیشنل جیل میں 750 قیدیوں کو رکھنے کی گنجائش ہے جبکہ قیدیوں کے درمیان ہونے والے تصادم کے وقت جیل میں 3 ہزار 750قیدی موجود تھے، حکومتی اعداد و شمار کے مطابق گزشتہ سال ملک بھر کی 34 جیلوں میں قیدیوں کے درمیان تصادم کے نتیجے میں 591 افراد ہلاک جبکہ 1132 فراد زخمی ہوئے۔