پی سی بی نے انڈر 19 کیلیے 4 کوچز شارٹ لسٹ کردیا

پاکستان انڈر 19 ٹیم کے کوچز کے انٹرویو پیر کو ہوں گے۔


پاکستان کرکٹ بورڈ نے چار کوچز کو شارٹ لسٹ کرلیا۔ پی سی بی نے اگلے ہفتے جونیئر ٹیم کے کوچز کی تقرری کا فیصلہ کیا ہے، کرکٹ بورڈ حکام نے اعجاز احمد، ثقلین مشتاق، عتیق الزمان اور شاہد نذیر کو پیر کو لاہور مدعو کیا ہے، ان چاروں امیدواروں سے انٹرویوز کرنے کے بعد موزوں شخص کا انتخاب کیاجائے گا۔ ذرائع کے مطابق ہیڈکوچ کے لیے اعجاز احمد فیورٹ ہیں۔ پانچ سے چودہ ستمبر تک سری لنکا میں شیڈول ایشیا کپ کےلیے قومی انڈر نائن ٹین ٹیم کا پہلے ہی اعلان ہوچکاہے، ٹیم مینجمنٹ کی تقرری ہونا ابھی باقی ہے۔