خیبر پختونخوا حکومت کا صوبے میں دہشتگردی کی روک تھام کیلئے نیا سیکیورٹی پلان جاری

چرچ پر حملے کے بعد محکمہ داخلہ خیبرپختونخوا نے دہشت گردی کی روک تھام کے لئے نیا سیکیورٹی پلان جاری کردیا ہے۔


محکمہ داخلہ کی جانب سے کمشنرز، پولیٹکل ایجنٹس اور خفیہ ایجنسیوں کو ہدایت کی گئی ہے کہ وہ مشترکہ طور پر فاٹا اور بندوبستی علاقوں کے لئے حفاظتی منصوبہ بندی پلان تیار کریں، صوبے کے ساتوں ڈویثرنل کمشنرز اور آر پی اوز کرائسسز مینجمنٹ پلان تشکیل دیں جبکہ آئی جی خیبر پختونخوا ناصر درانی کو بھی ہدایت کی گئی ہے کہ پولیس کی نگرانی کے نظام کو مزید بہتر بنایا جائے۔ صوبائی حکومت کی جانب سے جاری نئے سیکیورٹی پلان کے مطابق نئے ناموں سے وجود میں آنے والی کالعدم تنظیموں اور دینی اداروں سمیت ہوٹلز، سرائے اور پارکس کی خصوصی نگرانی کی جائے گی۔