بھتہ نہ دینے پر صدرمملکت کے بھانجے کی دکان پر فائرنگ

بھتہ خوروں نےصدرمملکت ممنون حسین کے بھانجے کی دکان پر بھتہ نہ دینے پر فائرنگ کردی۔


صدرممنون حسین کے بھانجے جن کی کراچی میں لائٹ ہاؤس کے قریب آئس کریم کی دکان ہے سے نامعلوم افراد نے 5 لاکھ روپے بھتہ طلب کیا اور ان کی جانب سے انکار کرنے پرمنگل کی رات بھتہ خوروں نے دکان پرفائرنگ کردی لیکن خوش قسمتی سے کوئی جانی نقصان نہیں ہوا۔

صدرممنون حسین کے بھانجے نے واقعے کی اطلاع پولیس کو نہیں دی تاہم پولیس کو واقعے کے حوالے سے سی پی ایل سی کے ذریعے پتہ چلا، پولیس نے مقدمہ درج کرکےدکان پر پولیس اہلکارتعینات کردیئے ہیں۔