نشتر میڈیکل یونیورسٹی میں طلبا کا بهارتی فلمی گانوں پر رقص

کشمیر سے یکجہتی کا ثبوت دینے کی بجائے نشتر میڈیکل یونیورسٹی انتظامیہ کی جانب سے منعقدہ اسٹوڈنٹ ویک میں طلبا نے بهارتی فلمی گیت گئے اور ان پر رقص کیا۔

ملتان میں نشتر میڈیکل یونیورسٹی انتظامیہ نے اخلاقی اقدار کا جنازہ نکال دیا۔ ملک میں ایک طرف یکجہتی کشمیر کے لئے ریلیاں نکالی جارہی ہیں تو دوسری جانب نشتر میڈیکل یونیورسٹی میں سالانہ اسٹوڈنٹ ویک میں طلبا اور طالبات بهارتی فلمی گانوں پر رقص کرتے رہے۔


سالانہ ہفتہ طلبا میں گزشتہ شب طلبا اور طالبات کے مابین گانوں اور رقص کے مقابلے کروائے گئے۔ بیشتر میڈیکل طلبا اور طالبات نے بهارتی فلمی گانے گائے اور ان پر رقص کیا۔

رات گئے تک چلنے والے اسٹوڈنٹ ویک کے دوران انتظامی افسران بهی موجود رہے تاہم ان کی سرپرستی میں سب کچھ جاری رہا۔