لاہورہائی کورٹ صدر کے دوعہدوں کے خلاف درخواست پرلارجربنچ تشکیل

چیف جسٹس لاہورہائی کورٹ عمرعطابندیال نے صدر کےدوعہدوں کے خلاف توہین عدالت کیس کی سماعت کےلیےلارجربنچ تشکیل دے دیا۔

چیف جسٹس لاہورہائی کورٹ نےصدر آصف زرداری کوایک عہدہ چھوڑنےکےحکم پرعمل درآمد کے لیے5 ستمبرتک کی مہلت دےرکھی ہے۔ درخواست گزارکے وکیل اے کےڈوگرکی جانب سےدرخواست میں کہاگیاتھا کہ عدالتی حکم کے باوجود صدرپاکستان نے ایک عہدہ ابھی تک نہیں چھوڑا اوروہ بدستور سیاسی سرگرمیوں میں حصہ لےرہے ہیں۔

چیف جسٹس عمرعطا بندیال نے کیس کی سماعت کے لیےلارجربنچ تشکیل دے دیا جس کی سربراہی وہ خود کریں گے۔ بنچ کے دیگرممبران میں جسٹس اعجاز الاحسن، جسٹس شیخ نجم الحسن،جسٹس ناصر سید شیخ اورجسٹس سید منصورعلی شاہ شامل ہیں۔ کیس کی مزید سماعت 5 ستمبر کوہوگی۔