یمن میں نامعلوم افراد نے فائرنگ کرکے ہم جنس پرست شخص کو قتل کردیا

یمن کے جنوبی علاقے میں نامعلوم مسلح افراد نے فائرنگ کرکے ایک ہم جنس پرست شخص کو ہلاک کردیا۔


پولیس کا کہنا ہے کہ واقعہ صوبہ لاحج کے دارالحکومت ہوتا میں اس وقت پیش آیا جب موٹرسائیکل پر سوار 2 افراد نے اپنے گھر کے باہر کھڑے شخص پر فائرنگ کردی جس سے وہ موقع پر ہی ہلاک ہو گیا۔ پولیس کا کہنا ہے کہ ہلاک ہونے والے شخص کی عمر 20 سے 30 سال کے درمیان تھی اوروہ ہم جنس پرست تھا جب کہ یہ امسال اپنی نوعیت کا چھٹا واقعہ ہے۔

واضح رہے کہ اس سے قبل صوبہ ابیان اور عدن میں بھی اس قسم کے حملے ہوچکے ہیں جن میں ہم جنس پرست افراد کو نشانہ بنایا گیا جب کہ ان حملوں کی ذمہ داری القاعدہ سے تعلق رکھنے والے گروپ ''انصارالشریعہ ''نے قبول کی تھی۔