گوجرانوالہ میں دونوں بہنوں کو زیادتی کے بعد قتل کیا گیا میڈیکل رپورٹ

گزشتہ روز نالے سے ملنے والی 2 بہنوں کی لاش کی میڈیکل رپورٹ کے مطابق دونوں کو زیادتی کے بعد قتل کیا گیا تھا۔


ایکسپریس نیوز کے مطابق گزشتہ روز گوجرانوالہ کے علاقے مدن چک کے سیم نالے سے ملنے والی 2 بہنوں کی لاشوں کو شناخت کے بعد سول اسپتال منتقل کیا گیا تھا جہاں لیڈی ڈاکٹر عظمیٰ بٹ نے ان کا میڈیکل کیا جس کی رپورٹ کے مطابق دونوں بہنوں کو قتل کرنے سے قبل زیادتی کا نشانہ بنایا گیا تھا، لاشوں پر تشدد کے نشانات نہیں ملے تاہم رپورٹ سے اس بات کی تصدیق ہوگئی ہے کہ دونوں بہنوؤں کی موت گولی لگنے سے واقع ہوئی جس کے بعد نمونہ جات مزید تصدیق کے لئے فرانزک لیب روانہ کردیئے گئے ہیں۔

واضح رہے کہ گزشتہ روز مدن چک کے سیم نالے سے 14 سے 16 سال تک کی عمر کے درمیان کی 2 بہنوؤں کی اسکول یونیفارم میں لاش ملی تھی اور پولیس کا کہنا تھا کہ دونوں کو اغوا کے بعد قتل کیا گیا لیکن میڈیکل رپورٹ کے سامنے آنے کے بعد کیس نیا رخ اختیار کرگیا ہے۔