کراچیارشد پپو قتل کیس میں ملوث سابق ایس ایچ او جاوید بلوچ گرفتار

پولیس اور رینجرز نے لیاری گینگ وار کے اہم کردار ارشد پپو کے قتل میں ملوث سابق ایس ایچ او جاوید بلوچ کی گرفتاری ظاہر کردی۔


ونگ کمانڈر رینجرز قیصرخلیل کے ہمراہ مشترکہ پریس کانفرنس کے دوران ایس ایس پی سٹی فیصل بشیر میمن نے میڈیا کو بتایا کہ پولیس اور رینجرز کی مشترکہ کارروائی میں سابق ایس ایچ او جاوید بلوچ کو گرفتار کیا، انہوں نے کہا کہ شہر میں آپریشن خفیہ اطلاعات کی بنا پر کئے جارہے ہیں، مختلف علاقوں میں کارروائیوں کے دوران بال بم، گولیاں اور دستی بم بھی برآمد ہوئے ہیں۔ اس موقع پر ونگ کمانڈر رینجرز قیصر خلیل نے کہا کہ لیاری میں کارروائیوں کے دوران بھاری تعداد میں اسلحہ برآمد کیاگیا ہے۔

واضح رہے کہ برطرف ایس ایچ او جاوید بلوچ پر الزام ہے کہ اس نے ڈیفنس کے علاقے سے گینگ وار کے ملزمان کے ساتھ ارشد پپو کو اغوا کیا تھا، دو روز قبل ایڈیشنل آئی جی کراچی شاہد حیات نے ایس ایچ او جاوید بلوچ کو ملازمت سے برطرف کردیا تھا۔