سوناکشی سنہا کا اپنی نئی فلم میں مختصر لباس پہننے سے انکار

بالی ووڈ اداكارہ سوناكشی سنہا نے اپنی نئی فلم''آر راج كمار'' میں مختصر لباس پہنے سے انكار كردیا۔


روایتی ساڑھیوں كے پہناوے كے انداز کے باعث میڈیا میں منفرد پہچان رکھنے والی اداكارہ سوناكشی سنہا نے راج كمار سیریز كی نئی فلم ''آر راج كمار''میں مختصر لباس پہن كر مناظر عكسبند كروانے سے انكار كرتے ہوئے صاف طور پر كہہ دیا كہ وہ جو پہنتی ہیں اسی سے ہی فلم میکرز کو کام چلانا پڑے گا۔

فلم ''آر راج کمار'' كے ہدایتکار پرابھو دیوا ہیں جبکہ فلم میں سوناكشی كے ہمراہ اداکار كے كردار میں شاہد كپور جلوہ گرہوں گے، فلم رواں سال كے اختتام پر سینما گھروں كی زینت بنے گی۔