ہمارے پاس ایسے کھلاڑی ہیں جو اکیلے میچ جتواسکتے ہیں سرفراز احمد

ISLAMABAD:
قومی کپتان سرفراز احمد کا کہنا ہے کہ ٹی ٹوئنٹی کرکٹ میں کوئی بھی ٹیم کمزور نہیں ہوتی،شکست کے باوجودقومی ٹیم اگلے میچ میں کم بیک کرے گی،ہمارے پاس ایسے کھلاڑی موجود ہیں جو اکیلے بھی میچ جتواسکتے ہیں،شائقین کو آئندہ بھی بہترین میچز دیکھنے کو ملیں گے۔

یہ بھی پڑھیں: پہلے ٹی ٹوئنٹی میں سری لنکا نے پاکستان کو شکست دیدی


سری لنکا کے ہاتھوں شکست کے بعد قذافی اسٹیڈیم میں پریس کانفرنس میں سرفراز احمد کا کہنا تھا کہ آئی لینڈرز کے لیے آج کا دن اچھا جبکہ ہمارا برا تھا ،پہلے بھی کہہ چکا ہوں ٹی ٹونٹی ٹیم میں کوئی ٹیم آسان نہیں،سری لنکن ٹیم نے ہم سے باؤلنگ میں بہترین کارکردگی دکھائی۔

اسے بھی پڑھیں: اسپیڈ اسٹار محمد حسنین ہیٹ ٹرک کرنے والے کم عمر ترین بولر بن گئے

کپتان کا کہنا تھا کہ عمر اکمل اور احمد شہزاد نے ماضی میں اچھا کھیلا ہے، امید ہے اگلے میچوں میں دونوں کھلاڑی اچھا کھیلیں گے،ہمارے پاس ایسے کھلاڑی ہیں جو اگلے میچوں میں ٹیم کو جتوا سکتے ہیں،احمد شہزاد کو بطور اوپنر کھلانا تھا جس وجہ سے فخر زمان کو ریسٹ کرایا،جو لڑکے ٹیم میں کھلائے ہیں ان کو پورا موقع دیا جائے گا،شاداب ایسا باؤلر ہے جس نے ماضی میں اچھا کھیلا۔