ملالہ کو امن کا نوبل انعام نہ ملنے پر خوشی ہے کالعدم تحریک طالبان

کالعدم تحریک طالبان پاکستان کا کہنا ہے کہ ملالہ یوسف زئی اسلام کے خلاف اور ایک سیکیولر لڑکی ہے اور ملالہ یوسف زئی کو امن کا نوبل انعام نہ ملنے پر انہیں بہت خوشی ہے۔


غیر ملکی خبر رساں ایجنسی کے مطابق کالعدم تحریک طالبان پاکستان کے ترجمان شاہد اللہ شاہد نے بتایا کہ ملالہ یوسف زئی نے ایسا کچھ نہیں کیا کہ اسے امن کا نوبل انعام دیا جاتا، امن کا نوبل انعام ایسے مسلمان کو ملنا چاہیئے تھا کہ جس نے اسلام کی سر بلندی کے لئے خدمات انجام دی ہوں جبکہ ملالہ یوسف زئی تواسلام کے خلاف اور سیکولر لڑکی ہے، یہی وجہ ہے کہ مغرب والے ملالہ یوسف زئی کو نواز رہے ہیں۔

واضح رہے کہ ملالہ یوسف زئی کو امن کے نوبل انعام کے لئے منتخب کیا گیا تھا تاہم دنیا سے کیمیائی ہتھاروں کو تلف کرنے والے ادارے کو ان کی گراں قدر خدمات کے باعث امن کا نوبل انعام دیا گیا۔