شہریار منور نے اپنی منگنی ٹوٹنے کی تصدیق کردی

فلم و ڈرامہ انڈسٹری کے معروف اداکار شہریار منور نے اپنی منگنی ٹوٹنے کی تصدیق کردی ہے۔

لاکھوں دلوں پر راج کرنے والے شہریار منور نے رواں سال کی ابتدا میں ہالہ سومرو نامی دوشیزہ سے اچانک منگنی کرکے سب کو حیران کردیا تھا۔ منگنی کی تقریب بھی کراچی میں سادگی سے کی گئی جس میں عزیز و اقارب اور قریبی دوستوں کو مدعو کیا گیا تھا۔




شہریار منور نے حال ہی میں منگنی ٹوٹنے کی تصدیق اپنے انٹرویو میں کی جب ایک ویب سائٹ کو دیئے گئے انٹرویو میں میز بان کی جانب سے شہریار منور سے سوال پوچھا گیا کہ کوئی ایسا جرات مندانہ کام جو آپ نے کیا ہو۔

https://www.youtube.com/watch?v=-HYccsD1VAA

جس کا جواب دیتے ہوئے شہریار منور نے کہا کہ اپنی زندگی میں کیا گیا ایک ہی جرات مندانہ کام یہ ہے جب میں نے اپنی والدہ سے کہا کہ ایک بار آپ کے کہنے پر منگنی کرلی اور پھر آپ ہی نے یہ منگنی ختم کی لیکن اس بار جس لڑکی سے میں شادی کرنا چاہوں گا اس کا انتخاب میں خود کروں گا۔