وزارتوں کے اہداف پورے نہ ہونے پر وزیراعظم آفس کا نوٹس

وزیراعظم آفس نے وزارتوں اور ڈویژنوں کو دیے گئے اہداف مقررہ مدت میں پورے نہ کرنے کا نوٹس لے لیا۔


وزیراعظم آفس نے وزارتوں اور ڈویژنوں کو دیے گئے اہداف مقررہ مدت میں پورے نہ کرنے کا نوٹس لے کر زیر التوا ٹاسک7 دن میں مکمل کرکے ٹاسک مینجمنٹ سسٹم پر اپ لوڈ کرکے وزیراعظم آفس کو رپورٹ بھجوانے کی ہدایات جاری کردی ہیں۔

''ایکسپریس'' کو دستیاب مراسلے میں طبی آلات اور صحت سے متعلقہ دیگر ساز وسامان کی ٹیکس فری درآمد کی اجازت دینے سے متعلق سفارشات پر مبنی رپورٹ بھی آئندہ اجلاس میں پیش کرنے کی ہدایات جاری کی گئی ہیں۔