القاعدہ عراقیوں کی نسل کشی میں مصروف ہے وزیراعظم المالکی

عراقی وزیراعظم نوری المالکی نے ملک میں جاری خونی حملوں کو عراقیوں کی نسل کشی پر مشتمل جنگ قرار دیتے ہوئے کہا ہے کہ القاعدہ ہزاروں معصوم عراقیوں کو قتل کرچکی، کوئی بھی مکاتب فکر اور علاقہ محفوظ نہیں۔

دارالحکومت بغداد میں پریس کانفرنس کرتے ہوئے نوری المالکی نے کہا کہ عراقی عوام کو ایک خطرناک جنگ کا سامنا ہے جس میں بے گناہ اور معصوم لوگوں کا قتل عام ہورہا ہے۔




شدت پسند اور ملک دشمن عناصر عراقی عوام کی نسل کشی میں مصروف ہیں، القاعدہ نہ صرف حکومتی اداروں اور شخصیات بلکہ ہزاروں کی تعداد میں عام شہریوں کے گھروں پر حملے کررہی ہے، لاکھوں لوگوں کے گھر تباہ اورہزاروں لقمہ اجل بن چکے ہیں۔