سپریم کورٹ کا مارگلہ ہل پارک کی حیثیت برقرار رکھنے کا حکم

سپریم کورٹ نے مارگلہ ٹنل کیس نمٹاتے ہوئے مارگلہ ہل پارک کی حیثیت کو برقرار رکھنے کا حکم دیا ہے۔


مارگلہ ٹنل کے حوالے سے کیس کی سماعت چیف جسٹس افتخار محمد چوہدری کی سربراہی میں بینچ نے کی، سماعت کے دوران عدالت نے حکم دیا کہ ہل پارک میں کسی قسم کی ٹنل یاکرشنگ سرگرمیاں نہیں ہوسکتیں، چیف جسٹس نے ریمارکس دیئے کہ مارگلہ ہلز کی پہاڑیوں میں ٹنل بن گئی تو بڑے بڑے ٹرالر گزریں گے، معاشی ترقیاتی منصوبے ضرور بنائیں مگر قومی ورثے کو تحفظ بھی دیا جائے۔

عدالت نے سماعت کے دوران چیئرمین سی ڈی اے کوایک کمیٹی تشکیل دے کر مارگلہ ہل پارک کی سروے رپورٹ تیار کرنے کا بھی حکم دیا۔