پی سی بی کے بلاوے پر ندا ڈار کا بگ بیش لیگ میں سفر ادھورا رہ گیا

پاکستان کی خاتون کرکٹر ندا ڈار نے آسٹریلوی ویمنز بگ بیش ٹی 20 لیگ میں سڈنی تھنڈرز کی مزید نمائندگی کرنے کے بجائے وطن واپسی کے لیے رخت سفر باندھ لیا ہے۔

آسٹریلوی ویمنز بگ بیش ٹی 20 لیگ میں سڈنی تھنڈرز فرنچائز کے لیے سب زیادہ وکٹیں حاصل کرنے والی ٹاپ بولرز کے ریکارڈ میں شراکت دار پاکستانی اسٹار ندا ڈار کو پی سی بی نے آئندہ ماہ انگلینڈ کے خلاف شیڈول ٹی ٹو 20 سیریز کی تیاری کے لیے واپس بلا لیا ہے۔ جس پر انہوں نے سڈنی تھنڈرز کی مزید نمائندگی کرنے کے بجائے وطن واپسی کیلیے رخت سفر باندھ لیا ہے۔


بورڈ کی جانب سے ندا ڈار کو بگ بیش کے پورے ایونٹ میں شرکت کی اجازت دی گئی تھی لیکن قومی ذمہ داریوں کے پیش نظر فیصلہ تبدیل کر دیا گیا۔

ندا ڈار نے اپنے اس تجربے کو خوشگوار قرار دیتے ہوئے کہا ہے کہ انہیں کارکردگی میں نکھار لانے کا سنہری موقع ملا جس کا بھرپور فائدہ اٹھایا، امید ہے کہ پی سی بی مستقبل میں دیگر کرکٹرز کو بھی انٹرنیشنل لیگز میں شرکت کی اجازت دے گا۔

دوسری جانب سڈنی تھنڈرز نے بھی ٹیم کے لیے ندا ڈار کی خدمات کو سراہتے ہوئے مستقبل میں بھی انہیں منتخب کرنے کا عندیہ دیا ہے۔