جنگ بندی ڈرون حملوں کی بندش سے مشروط ہے حکیم اللہ محسود

تحریک طالبان پاکستان کے امیر حکیم اللہ محسود نے کہا ہے کہ حکومت کیساتھ سنجیدہ اور بامقصد مذاکرات کے خواہاں ہیں لیکن اس کیلیے حکومت کو امریکی دباؤ سے نکلنا ہوگا۔


نجی ٹی وی کے مطابق جاری کردہ پیغام میں کہا گیا ہے کہ تحریک طالبان پاکستان حکومت کے ساتھ سنجیدہ اور بامقصد مذاکرات کے خواہاں ہیں لیکن اس کیلیے حکومت کو امریکی دباؤ سے نکلنا ہوگا۔ انھوں نے مزید کہا ہے کہ مذاکرات کا ڈھونگ رچاکر میڈیا میں طالبان کو بدنام کیا جارہاہے، مذاکرات کیلیے سنجیدہ اور قابل اعتماد شخصیات کا احترام کیا جائیگا۔

جاری کردہ پیغام کے مطابق ماضی کے معاہدوں میں حکومت نے خیانت کی، اس باردھوکا دیاکیا گیا تو ناقابل تلافی نقصان ہوگا، جنگ بندی ڈروں حملوں کی بندش سے مشروط ہے، ڈرون حملے پاکستانی اسٹیبلشمنٹ کی مرضی سے ہورہے ہیں، مذاکرات سے پہلے کوئی شرط عائد کرتے ہیں نہ کوئی شرط مانتے ہیں۔ پیغام کے مطابق مسلمانوں اورغیرمسلموں کا تحفظ اسلام میں ہے، خلافت راشدہ کے قیام تک جدوجہد جاری رہے گی۔