پختونخوا اسمبلی میں قرارداد منظور ہونے کے بعد نیٹو سپلائی بند کردیں گے تحریک انصاف

WASHINGTON:
تحریک انصاف کی ترجمان شیریں مزاری کا کہنا ہےخیبرپختونخوا اسمبلی میں قرار داد منظور ہونے کے بعد نیٹو سپلائی بند کر دیں گے۔


ایکسپریس نیوز سے بات کرتے ہوئے شیریں مزاری کا کہنا تھاکہ خیبرپخونخوا اسمبلی میں حکومت کو فوری طور پر قرار داد پاس کروانی چاہئے تاکہ نیٹو سپلائی بند کرنے کا مینڈیٹ مل سکے۔ قرار منظور ہونے کے بعد صوبائی حکومت کو سپلائی بند کرنے کا اختیار مل جائے گا۔ انہوں نے کہاکہ جب تک امریکا کو واضح طور پر پیغام نہیں جائے گا کہ ہم طالبان سے مذاکرات کے لئےسنجیدہ ہیں اس وقت تک امریکا مذاکرات کو سبوتاژ کرتا رہے گا۔

شیریں مزاری کا کہنا تھا کہ پیر کو صوبائی اسمبلی کے اراکین وفاقی حکومت کے نمائندوں سے ملاقات کریں گے جس میں پوچھا جائے گا کہ کیا انہوں نے امریکا کے ساتھ کوئی خفیہ معاہدہ تو نہیں کیا ہوا جو وزیراعظم کے واپس لوٹتے ہی ڈرون حملوں میں اضافہ ہوگیا اور اگر امریکا ڈرون حملے نہیں روک رہا تو کیا آپ کے پاس صلاحیت انہیں روکنے کی۔