رنویر شورلے فلم ’’آن دی ریمپ‘‘ میں رقص کریں گے

بالی ووڈ اداکار رنویر شورلے فلم''آن دی ریمپ''میں خوبصورت رقص کے جلوے دکھائیں گے۔

ممبئی ذرائع ابلاغ کے مطابق ادکار رنویر شورلے فلم''آن دی ریمپ''میں فیشن ڈیزائنر کا کردار ادا کریں گے۔ فلم کے گانوں میں وہ رقص کی قسم بریک ڈانس اور ہیپ ہاپ کرتے ہوئے دکھائی دیں گے۔ حال میں انھوں نے سیٹ پر موجود لوگوں کو اپنی رقص کی صلاحیتوں کے ذریعے داد دینے پر مجبور کیا ہے۔




فلم کے ہدایت کار عمران خالد کا کہنا ہے کہ رنویر شورلے بہترین اداکار کے ساتھ بہترین ڈانسر بھی ہیں وہ پر امید ہیں کہ گانوں کی عکسبندی کے بعد جب انھیں ریلیز کیا جائے گا تو یہ مداحوں کو محظوظ کریں گے۔ واضح رہے کہ رنویر شورلے اس سے پہلے ''کھوسلہ کا گھونسلا'' میں بھی اداکاری کے جوہر دکھا چکے ہیں۔