کراچی سمیت سندھ بھر کے تعلیمی ادارے یکم جنوری سے ہی کھلیں گے احسن منگی

سندھ حکومت نے موسم سرما کی تعطیلات میں توسیع کے حوالے سے گردش کرنے والی خبروں کی تردید کردی۔


صوبائی سیکریٹری اسکول ایجوکیشن احسن منگی نے سندھ میں موسم سرما کی تعطیلات میں توسیع کے حوالے سے گردش کرنے والی خبروں تردید کرتے ہوئے کہا ہے کہ ایسی کوئی تجویزقابل غورنہیں کہ اسکولوں میں موسم سرما کی تعطیلات میں اضافہ کیا جائے۔

کراچی سمیت سندھ بھر میں سرکاری و نجی اسکولزمحکمہ تعلیم کی اسٹیئرنگ کمیٹی کے فیصلے کے تحت آج 31 دسمبر تک بند رہیں گے اورکل بروزبدھ یکم جنوری 2020 سے اسکولوں میں تدریسی عمل شروع ہوجائے گا۔