سوڈان میں اجنبی ایس ایم ایس موصول ہونے پرشوہر نے بیوی کو طلاق دیدی

سوڈان میں ایک شخص نے موبائل فون پر ایک اجنبی ایس ایم ایس موصول ہونے کے بعد غصے میں آکر اپنی بیوی کو طلاق دے دی۔


سوڈانی اخبار ''الخرطوم'' کے مطابق دارالحکومت خرطوم کے رہائشی شخص کوموبائل پر ایک ایس ایم موصول ہوا کہ وہ اپنی بیوی کو طلاق دے دے تاکہ وہ اس کے ساتھ شادی کر سکے، سوڈانی شخص نے گھر پہنچ کر اپنی بیوی سے اجنبی نمبر سے آنے والے ایس ایم ایس اور بھیجنے والے کے بارے میں پوچھا لیکن اس کی بیوی نے اس ایس ایم ایس اور اس کے بھیجنے والے شخص سے لا تعلقی کا اظہار کیا، سوڈانی شخص نے متعدد بار متعلقہ نمبر پر فون کرنے کی کوشش کی لیکن ہر بار موبائل فون بند ملا جس پر وہ شخص اور زیادہ عصے میں آگیا اور اس نے اپنی بیوی کو طلاق دے دی۔