وزیر خارجہ کا ایرانی ہم منصب سے رابطہ خطے کی صورتحال پر تبادلہ خیال

وزیر خارجہ شاہ محمود قریشی نے ایرانی ہم منصب جواد ظریف سے رابطہ کیا جس میں خطے کی صورتحال پر تبادلہ خیال کیا گیا۔

ایکسپریس نیوز کے مطابق وزیر خارجہ شاہ محمود قریشی نے ایران کے وزیر خارجہ جواد ظریف سے ٹیلیفونک رابطہ کیا جس میں دونوں وزرائے خارجہ کے درمیان خطے میں امن و امان کی صورتحال پر تفصیلی تبادلہ خیال کیا گیا۔


وزیر خارجہ شاہ محمود قریشی نے سعودی عرب، ترکی اور متحدہ عرب امارات کے وزرائے خارجہ سے بھی ٹیلیفونک رابطہ کیا اور خطے میں حالیہ واقعات پر تشویش کا اظہار کرتے ہوئے فریقین سے پر امن طریقے سے اختلافات ختم کرنے کی اپیل کی۔

وزیر خارجہ شاہ محمود قریشی نے کہا کہ پاکستان کسی بھی علاقائی تنازعے کا حصہ نہیں بنے گا اور اپنی سرزمین کسی کے بھی خلاف استعمال ہونے نہیں دے گا۔