فیروزوالا میں موٹرسائیکل پرلفٹ دینے والا 45 سالہ شخص قتل

علاقے جیا موسیٰ میں ایک شخص موٹر سائیکل پر لفٹ لینے کے بہانے 45 سالہ شخص کو قتل کرکے نقدی لوٹ کر فرار ہوگیا۔


پنجاب کے ضلع شیخوپورہ کی تحصیل فیروز والا کے علاقے جیاموسیٰ کے قریب شوکت نامی 45 سالہ شخص موٹر سائیکل پر گھر جارہا تھا کہ اچانک راستے میں ایک شخص نے اس سے لفٹ لینے کے بہانے موٹرسائیکل رکوائی۔

شوکت نے لفٹ دینے کے لئے موٹر سائیکل روکی اور اس شخص کو بٹھا دیا جس کے بعد راستے میں اس شخص نے شوکت کے سر پر ہتھوڑی سے وار کر کے نقدی لوٹ کر فرار ہوگیا۔