بھارتی اداکارہ شبانہ اعظمیٰ کار حادثے میں شدید زخمی
جاوید اختر باندرہ میں اپنی سالگرہ منانے کے بعد اہلیہ شبانہ اعظمی کے ہمرا کار میں واپس آ رہے تھے
ڈرائیور کو بھی شدید چوٹیں آئی ہیں، فوٹو : بھارتی میڈیا
ROME:
شاعر اور مصنف جاوید اختر کی اہلیہ کار حادثے میں شدید زخمی ہوگئیں انہیں اسپتال منتقل کردیا گیا۔
بھارتی میڈیا کے مطابق پونے کی ہائی وے پر معروف لکھاری جاوید اختر اور ان کی اہلیہ اداکارہ شبانہ اعظمی کو حادثہ پیش آگیا، ان کی گاڑی ایک ٹرک سے جا ٹکرائی، تصادم اتنا زوردار تھا کہ گاڑی کا اگلا حصہ مکمل طور پر تباہ ہوگیا۔ جوڑا باندرہ میں جاوید اختر کی سالگرہ منانے کے بعد واپس آرہا تھا کہ حادثے کا شکار ہوگیا۔
کار اور ٹرک کے درمیان تصادم میں اداکارہ شبانہ اعظمی کو شدید چوٹیں آئی ہیں، ڈرائیور بھی زخمی ہوا تاہم جاوید اختر محفوظ خوش قسمتی سے محفوظ رہے۔ حادثے میں ایک نامعلوم خاتون بھی زخمی ہوئیں جن کی حالت نازک بتائی جارہی ہے۔
امدادی ادارے اور ہائی وے پولیس نے زخمیوں کو فوری طور پر قریبی اسپتال منتقل کیا جہاں شبانہ اعظمی کی حالت خطرے سے باہر بتائی جارہی ہے۔ حکومت اور شوبز سے تعلق رکھنے والی شخصیات نے جاوید اختر کو فون کرکے خیریت دریافت کی اور اداکارہ کی مکمل صحت یابی کے لیے نیک تمناؤں کا اظہار کیا۔
شاعر اور مصنف جاوید اختر کی اہلیہ کار حادثے میں شدید زخمی ہوگئیں انہیں اسپتال منتقل کردیا گیا۔
بھارتی میڈیا کے مطابق پونے کی ہائی وے پر معروف لکھاری جاوید اختر اور ان کی اہلیہ اداکارہ شبانہ اعظمی کو حادثہ پیش آگیا، ان کی گاڑی ایک ٹرک سے جا ٹکرائی، تصادم اتنا زوردار تھا کہ گاڑی کا اگلا حصہ مکمل طور پر تباہ ہوگیا۔ جوڑا باندرہ میں جاوید اختر کی سالگرہ منانے کے بعد واپس آرہا تھا کہ حادثے کا شکار ہوگیا۔
کار اور ٹرک کے درمیان تصادم میں اداکارہ شبانہ اعظمی کو شدید چوٹیں آئی ہیں، ڈرائیور بھی زخمی ہوا تاہم جاوید اختر محفوظ خوش قسمتی سے محفوظ رہے۔ حادثے میں ایک نامعلوم خاتون بھی زخمی ہوئیں جن کی حالت نازک بتائی جارہی ہے۔
امدادی ادارے اور ہائی وے پولیس نے زخمیوں کو فوری طور پر قریبی اسپتال منتقل کیا جہاں شبانہ اعظمی کی حالت خطرے سے باہر بتائی جارہی ہے۔ حکومت اور شوبز سے تعلق رکھنے والی شخصیات نے جاوید اختر کو فون کرکے خیریت دریافت کی اور اداکارہ کی مکمل صحت یابی کے لیے نیک تمناؤں کا اظہار کیا۔