یکم دسمبر سے ہائی وے قوانین پر عملدر آمد کرا نے کی ہدایت

انسپکٹر جنرل نیشنل ہائی ویز اینڈ موٹر وے پولیس نے ہائی ویز اور موٹر ویز پر سفرکرنے والے شہریوں کو حادثات سے بچاؤ اور قیمتی انسانی جانوں کے ضیاع و معذوری سے بچانے کیلیے ضروری اقدامات اور ٹریفک قوانین کی سختی سے پابندی کی ضرورت پر زور دیا ہے۔

تمام متعلقہ ڈی آئی جیز کو ہدایات جاری کی گئی ہیں کہ یکم دسمبر سے ہائی وے قوانین پر عملدر آمد کرایا جا ئے، اس بات کو یقینی بنایا جائے کہ آئندہ کوئی موٹر سائیکل سوار بغیر ہیلمٹ ہائی ویز پر سفر نہ کرسکے اورموٹر سائیکل پرکسی بھی صورت میں2 سے زائد افراد سفر نہ کریں۔




انھوں نے کہا کہ موٹر سائیکل سواروں کواس بات کا پابند کیا جائے کہ وہ ہائی وے پر سفر کے دوران عقب سے آنے والی گاڑیوں پر نظر رکھنے کیلیے سائیڈ گلاس ضرور استعمال کریں، دوران سفر اپنی مقرر کردہ یعنی سیکنڈ لین میں ہی سفرکریں ۔