وزیراعظم نے چینی کی قیمتوں میں اضافے پر تحقیقاتی کمیٹی تشکیل دے دی
انکوائری کمیٹی کی سربراہی ڈائریکٹر جنرل ایف آئی اے کریں گے اور اس میں حساس اداروں کے افراد بھی شامل ہوں گے، ذرائع
کمیٹی مستقبل کے حوالے سے سفارشات بھی پیش کرے گی۔ (فوٹو: فائل)
وزیرِاعظم عمران خان نے چینی کی قیمتوں میں اضافے کے حوالے سے حقائق جاننے کے لیے انکوائری کمیٹی تشکیل دے دی۔
ایکسپریس نیوزکے مطابق وزیرِاعظم عمران خان نے حالیہ دنوں میں چینی کی قیمتوں میں اضافے کے حوالے سے حقائق جاننے کے لیے ڈی جی ایف آئی اے کی سربراہی میں اعلیٰ سطح کی انکوائری کمیٹی تشکیل دے دی، کمیٹی میں ڈائریکٹر جنرل ایف آئی اے، ڈائریکٹر جنرل اینٹی کرپشن پنجاب اور انٹیلی جنس بیور کا گریڈ 20 یا 21 کا افسر شامل ہوگا۔ ڈی جی ایف آئی اے بطور کنوینر کسی بھی ممبر کو کمیٹی میں شامل کرنے کا مجاز ہوگا۔
ذرائع کے مطابق انکوائری کمیٹی کو وزیرِاعظم آفس کی جانب سے ایک درجن سے زائد سوالات بھجوادیے گئے ہیں، کمیٹی کو ہدایت کی گئی ہے کہ وہ اس بات کا تعین کرے کہ معاملے میں کون کون سے عناصر ملوث ہیں، جب کہ اس بات کا جائزہ لیا جائے کہ چینی کی قیمتوں کو قابو میں رکھنے کے لئے مقامی انتظامیہ اور حکومتی اداروں نے کیا حفاظتی اور پیشگی اقدامات کیے۔
کمیٹی حقائق کے تناظر میں ذمہ دار افراد، اداروں یا افسران کا تعین کرے گی اور اس بات کا جائزہ لے گی کہ قیمتوں میں اضافہ کسی کو فائدہ پہنچانے کی کوشش تو نہیں، جب کہ کمیٹی مستقبل کے حوالے سے سفارشات بھی پیش کرے گی۔
ایکسپریس نیوزکے مطابق وزیرِاعظم عمران خان نے حالیہ دنوں میں چینی کی قیمتوں میں اضافے کے حوالے سے حقائق جاننے کے لیے ڈی جی ایف آئی اے کی سربراہی میں اعلیٰ سطح کی انکوائری کمیٹی تشکیل دے دی، کمیٹی میں ڈائریکٹر جنرل ایف آئی اے، ڈائریکٹر جنرل اینٹی کرپشن پنجاب اور انٹیلی جنس بیور کا گریڈ 20 یا 21 کا افسر شامل ہوگا۔ ڈی جی ایف آئی اے بطور کنوینر کسی بھی ممبر کو کمیٹی میں شامل کرنے کا مجاز ہوگا۔
ذرائع کے مطابق انکوائری کمیٹی کو وزیرِاعظم آفس کی جانب سے ایک درجن سے زائد سوالات بھجوادیے گئے ہیں، کمیٹی کو ہدایت کی گئی ہے کہ وہ اس بات کا تعین کرے کہ معاملے میں کون کون سے عناصر ملوث ہیں، جب کہ اس بات کا جائزہ لیا جائے کہ چینی کی قیمتوں کو قابو میں رکھنے کے لئے مقامی انتظامیہ اور حکومتی اداروں نے کیا حفاظتی اور پیشگی اقدامات کیے۔
کمیٹی حقائق کے تناظر میں ذمہ دار افراد، اداروں یا افسران کا تعین کرے گی اور اس بات کا جائزہ لے گی کہ قیمتوں میں اضافہ کسی کو فائدہ پہنچانے کی کوشش تو نہیں، جب کہ کمیٹی مستقبل کے حوالے سے سفارشات بھی پیش کرے گی۔