وزیراعلیٰ کی آمد پر حیدرآباد میں بدترین ٹریفک جام

ہفتے کے روز حیدرآباد پولیس اہلکار خصوصاً ٹریفک پولیس اہلکار معمول کی ڈیوٹی کرنے اپنی اپنی ڈیوٹیوں کے مقام پر نہ پہنچے جس کی وجہ سے سارا دن حیدرآباد شہر میں بدترین ٹریفک جام رہا، کئی ایمبولینسیں اور اسکول کے طلبہ و طالبات کی وینز بھی ٹریفک جام میں پھنسی رہیں۔

تفصیلات کے مطابق بلدیاتی الیکشن کے حوالے سے ہونے والے حکومتی جماعت کے اجلاس میں شرکت کے لیے وزیر اعلیٰ سندھ و صوبائیکابینہ کے اراکین کی حیدرآباد آمد کے موقع پر حیدرآباد میں اجلاس کے مقام پر پولیس کی بھاری نفری کو تعینات کر دیا گیا۔




جبکہ پولیس افسران و ضلعی انتظامیہ کے افسران بھی اپنی سرکاری ڈیوٹی کے اوقات میں اجلاس کے مقام پر موجود رہے اور پولیس اہلکاروں کو شہر بھر سے ہٹا کر ایک ہی محلے میں سیکیورٹی کیلیے طلب کیے جانے کے باعث حیدرآباد شہر انتظامی حوالے سے کئی گھنٹے تک لاوارث رہا۔