سوشل میڈیا پر علی ظفر مقبول ترین اداکار ہریتک پیچھے رہ گئے

پاکستانی گلوکار واداکار علی ظفر سوشل میڈیا میں سب سے زیادہ مقبول اداکار بن گئے ہیں، اس سے قبل بھارتی اداکار ریتھک روشن کویہ اعزازحاصل تھا۔

واضح رہے علی ظفر ان دنوں ہندوستان میں شوبز سرگرمیوں میں مصروف ہیں۔ علی ظفر کا کہنا ہے کہ میں آج جو کچھ بھی ہوں وہ پاکستانی عوام اور اپنے ماں باپ کی دعائوں کے نتیجے سے ہوں، مجھے پاکستان سمیت دنیا بھر میں جہاں بھی لوگ جانتے ہیں وہ پاکستانی میڈیا کیوجہ سے جانتے ہیں، اس میڈیا نے مجھے فرش سے اٹھا کر بلندیوں پر پہنچا دیا ہے، پاکستان میں مجھے گلوکاری سے شہرت حاصل ہوئی۔




ہندوستان میں میری اداکاری کو پسند کیا گیا، دونوں شعبوں کو ساتھ لے کر چلنا خاصا مشکل عمل ہے مگر عوام کی محبتوں کو سنبھالنا فنکار کا فرض ہے۔ ان کا مزید کہنا تھا کہ سوشل میڈیا پر پاک وہند کی عوام کا مجھے لائیک کرنا اور محبت کا اظہار کرنا میرے لیے اعزاز کی بات ہے۔