حیدرآباد میں تھانیداروں کے بڑے پیمانے پر تبادلے و تقرریاں

SWAT:
ایس ایس پی فدا حسین مستوئی جاتے جاتے حیدرآباد کے 14 ایس ایچ اوز کے تبادلے اور تقرریاں بھی کر گئے۔

تفصیلات کے مطابق حیدرآباد سے ضلع سجاول تبادلہ کیے گئے ایس ایس پی فدا حسین مستوئی نے چارج چھوڑنے سے قبل پھلیلی تھانے سے بدر برڑو کا تبادلہ کر کے انھیں پولیس لائن جبکہ پولیس لائن سے شبیر جمالی کو ایس ایچ او پھلیلی، حالی روڈ تھانے کے ایس ایچ او نوتک خان بلوچ کا تبادلہ پولیس لائن، ان کی جگہ عبدالمالک ابڑو کو ایس ایچ او حالی روڈ مقرر کردیا۔ ہوسڑی تھانے کے ایس ایچ او مصری خان کھوسو کا تبادلہ پولیس لائن جبکہ ان کی جگہ دلدار سہتو کو مقرر کیا ہے۔




سیری تھانے سے پرویز جونیجو کو ہٹا کر شوکت بالادی کو ایس ایچ او، تھانہ ہٹڑی سے عبدالمالک ابڑو کا تبادلہ کر کے انہیں ایس ایچ او حالی روڈ جبکہ زاہد لغاری کو ایس ایچ او تھانہ ہٹڑی مقرر کیا ہے۔ منظورملاح کو پولیس لائن بدلی کر کے دھنی بخش کو ایس ایچ او بڈھانی جبکہ جی او آر تھانے پر شمس ڈاہری کو ایس ایچ او مقرر کیا گیا ہے۔ تھانہ ہوسڑی سے مصری خان کو ہٹا کر دلدار سہتو کو ایس ایچ او ہوسڑی مقرر کیا گیا ہے۔ منیر احمد کو نسیم نگر تھانے کا ایس ایچ او مقرر کرتے ہوئے وہاں سے عبدالرشید بھٹی کا تبادلہ کر کے انہیں پولیس لائن بھیج دیا گیا ہے۔