بلاول کے پنجاب میں ڈیرے پیپلزپارٹی کو سیاسی فائدے کا امکان

چیئرمین پیپلز پارٹی بلاول بھٹو زرداری پنجاب میں پارٹی کو مضبوط کرنے کیلیے سرگرم عمل ہیں۔

اپنی تقریروں میں وہ (ن) لیگ کی قیادت کو پاکستان واپس آنے کا مشورہ دے رہے ہیں تو دوسری جانب حکومت پر سخت تنقید کرکے یہ بات ثابت کررہے ہیں کہ اس وقت پیپلز پارٹی ہی واحد اپوزیشن جماعت ہے جو پریشان عوام کیساتھ کھڑی ہے۔


کیا بلاول بھٹو اس مقصد میں کامیاب ہوں گے؟ کیا پنجاب کے عوام پی ٹی آئی۔ نوازشریف، شہبازشریف کی قیادت کو چھوڑ کر بلاول کے ساتھ چلیں؟ یہ سوال ابھی جواب طلب ہیں۔

(ن) لیگ کی قیادت جو لندن اور قید میں ہے مصلحت کا شکار نظر آرہی ہے شہبازشریف جن کے بارے میں کہا جارہاہے کہ وہ اسی ماہ واپس آئیں گے لیکن ابھی تک ان کی واپسی فائنل نہیں ہو سکی۔