کبڈی ورلڈ کپ پاکستان نے مردوں اور خواتین کی ٹیموں کا اعلان کر دیا
صوبائی وزیر کھیل رانا مشہور نے کبڈی ورلڈ کپ کے لئے پاکستان کی مردوں اور خواتین کی کبڈی ٹیموں کا اعلان کیا۔
کھلاڑی 30نومبر کو واہگہ بارڈر کے راستے بھارت جائیں گے۔ فوٹو؛ رائٹرز/فائل
پاکستان نے بھارت میں ہونے والے کبڈی ورلڈ کپ کے لئے مردوں اور خواتین کی کبڈی ٹیموں کا اعلان کر دیا ہے۔
ایکسپریس نیوز کے مطابق لاہور میں صوبائی وزیر کھیل رانا مشہور نے یکم دسمبر سے بھارتی پنجاب میں شروع ہونے والے کبڈی ورلڈ کپ کے لئے پاکستان کی مردوں اور خواتین کی کبڈی ٹیموں کا اعلان کیا۔ مردوں کی ٹیم کے کپتان بابر وسیم اور خواتین کی کبڈی ٹیم کی کپتان مدیحہ لطیف ہوں گی۔ پاکستانی ٹیمیں 2 دسمبر کو پہلا میچ کھیلیں گی۔ پاکستانی کھلاڑیوں کو بھارتی ویزوں کے لیے این اوسی مل گئے ہیں۔ کھلاڑی 29 نومبر کے بجائے اب 30نومبر کو واہگہ بارڈر کے راستے بھارت جائیں گے۔