پاکستان میں کورونا کا دوسرا مریض جاں بحق متاثرہ افراد کی تعداد 307 ہوگئی
وزیرصحت کے پی تیمور جھگڑا نے کورونا سے پہلی ہلاکت کی تصدیق کردی ہے
آزاد کشمیر میں بھی کورونا وائرس کا مریض سامنے آگیا ہے۔
پاکستان میں کورونا وائرس سے دوسرے مریض کے جاں بحق ہونے کی تصدیق ہوگئی ہے جب کہ ملک میں وائرس سے متاثرہ افراد کی تعداد 307 ہوگئی ہے جس میں سے 4 صحت یاب ہوکر گھروں کو واپس جا چکے ہیں۔
پاکستان میں جان لیوا کورونا وائرس کے مریضوں کی تعداد میں مسلسل اضافہ جاری ہے اوراب یہ تعداد بڑھ کر 307 ہوگئی ہے جس میں سے 4افراد صحت یاب ہوکر گھروں کو لوٹ چکے ہیں۔
وزیرصحت خیبرپختونخوا تیمور جھگڑا نے کورونا وائرس سے 2 ہلاکتوں کی تصدیق کرتے ہوئے کہا ہےکہ مردان میں 50 سالہ شخص جب کہ پشاور کے لیڈی ریڈنگ اسپتال میں 36 سالہ مریض نے دم توڑ دیا، 50 سالہ شخص ایک ہفتے پہلے سعودی عرب سے آیا تھا اوروینٹی لیٹر پرزیرعلاج تھا جب کہ 36 سالہ مریض ہنگو کا رہائشی تھا۔
کمانڈ اینڈ کنٹرول سینٹر کے مطابق پاکستان میں کورونا سے 2 مریض جاں بحق ہوگئے ہیں، ملک بھر میں آج کورونا کے 70 کیس رپورٹ ہوئے جب کہ کورونا کے مریضوں کی تعداد307 ہوگئی ہے، سندھ میں کورونا وائرس کے مریضوں کی تعداد 208، پنجاب میں 33، خیبر پختون خوا میں 19، بلوچستان میں 23، اسلام آباد میں 8 اور گلگت بلتستان میں 15 ہے جب کہ آزاد کشمیر میں بھی کورونا وائرس کا ایک مریض سامنے آگیا ہے۔
وزیراعظم آزاد کشمیر نے ریاست میں کورونا مریض کی تصدیق کرتے ہوئے بتایا کہ تفتان کے ذریعے ایران سے آئے ایک شہری میں کورونا وائرس کی تصدیق ہوئی ہے۔
اسٹاک مارکیٹ کریش
کورونا وائرس کے باعث دنیا بھر کے بازار حصص کی طرح پاکستان اسٹاک مارکیٹ میں بھی شدید مندی کا رجحان برقرار ہے۔ کاروباری ہفتے کے تیسرے روز مارکیٹ میں مندی کے بادل چھائے رہے اور 100 انڈیکس 2077 پوائنٹس کی کمی سے 32616 سے گرکر 30539 کی سطح پر آگیا۔
مفت راشن تقسیم کا فیصلہ
کورونا وائرس کے پیش نظر سندھ حکومت نے خشک راشن خریدنے اورتقسیم کرنے کا فیصلہ کیا ہے۔ پہلے مرحلے میں 60 ہزارراشن بیگز تقسیم کیے جائیں گے۔
(ن) لیگ کورونا پر بھی دکان لگانے سے باز نہیں آئی، فردوس عاشق
معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ (ن) لیگ کورونا جیسے حساس مسئلے پر بھی سیاسی دکان لگانے سے باز نہ آئی۔ فارن فنڈنگ کا واویلا مچانے کی بجائے فارن اکاؤنٹ رکھنے والی اور بیرون ملک بیٹھی اپنی قیادت کو پاکستان آنے کی اپیل کریں۔
پاکستان میں تشخیصی کٹ کی تیاری
جامعہ کراچی کے سائنسدانوں نے کورونا وائرس کو تشخیص کرنے والی کٹ کی تیاری شروع کردی ہے۔ نیشنل انسٹی ٹیوٹ آف وائرلوجی کورونا وائرس کی ڈائگنوسٹک کٹ تیارکررہاہے۔ یہ کٹ چینی سائنسدانوں کے تعاون سے تیارکی جارہی ہے۔
ڈائگنوسٹک کٹ کی تیاری میں اہم پیش رفت کرتے ہوئے متعلقہ سائنسدانوں نے پہلے مرحلے میں کورونا وائرس کا ''پوزیٹیووکنٹرول'' حاصل کرلیاہے۔
دنیا میں کورونا وائرس کی تفصیلات نقشے کی مدد سے دیکھیے
پاکستان میں جان لیوا کورونا وائرس کے مریضوں کی تعداد میں مسلسل اضافہ جاری ہے اوراب یہ تعداد بڑھ کر 307 ہوگئی ہے جس میں سے 4افراد صحت یاب ہوکر گھروں کو لوٹ چکے ہیں۔
وزیرصحت خیبرپختونخوا تیمور جھگڑا نے کورونا وائرس سے 2 ہلاکتوں کی تصدیق کرتے ہوئے کہا ہےکہ مردان میں 50 سالہ شخص جب کہ پشاور کے لیڈی ریڈنگ اسپتال میں 36 سالہ مریض نے دم توڑ دیا، 50 سالہ شخص ایک ہفتے پہلے سعودی عرب سے آیا تھا اوروینٹی لیٹر پرزیرعلاج تھا جب کہ 36 سالہ مریض ہنگو کا رہائشی تھا۔
کمانڈ اینڈ کنٹرول سینٹر کے مطابق پاکستان میں کورونا سے 2 مریض جاں بحق ہوگئے ہیں، ملک بھر میں آج کورونا کے 70 کیس رپورٹ ہوئے جب کہ کورونا کے مریضوں کی تعداد307 ہوگئی ہے، سندھ میں کورونا وائرس کے مریضوں کی تعداد 208، پنجاب میں 33، خیبر پختون خوا میں 19، بلوچستان میں 23، اسلام آباد میں 8 اور گلگت بلتستان میں 15 ہے جب کہ آزاد کشمیر میں بھی کورونا وائرس کا ایک مریض سامنے آگیا ہے۔
وزیراعظم آزاد کشمیر نے ریاست میں کورونا مریض کی تصدیق کرتے ہوئے بتایا کہ تفتان کے ذریعے ایران سے آئے ایک شہری میں کورونا وائرس کی تصدیق ہوئی ہے۔
اسٹاک مارکیٹ کریش
کورونا وائرس کے باعث دنیا بھر کے بازار حصص کی طرح پاکستان اسٹاک مارکیٹ میں بھی شدید مندی کا رجحان برقرار ہے۔ کاروباری ہفتے کے تیسرے روز مارکیٹ میں مندی کے بادل چھائے رہے اور 100 انڈیکس 2077 پوائنٹس کی کمی سے 32616 سے گرکر 30539 کی سطح پر آگیا۔
مفت راشن تقسیم کا فیصلہ
کورونا وائرس کے پیش نظر سندھ حکومت نے خشک راشن خریدنے اورتقسیم کرنے کا فیصلہ کیا ہے۔ پہلے مرحلے میں 60 ہزارراشن بیگز تقسیم کیے جائیں گے۔
(ن) لیگ کورونا پر بھی دکان لگانے سے باز نہیں آئی، فردوس عاشق
معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ (ن) لیگ کورونا جیسے حساس مسئلے پر بھی سیاسی دکان لگانے سے باز نہ آئی۔ فارن فنڈنگ کا واویلا مچانے کی بجائے فارن اکاؤنٹ رکھنے والی اور بیرون ملک بیٹھی اپنی قیادت کو پاکستان آنے کی اپیل کریں۔
پاکستان میں تشخیصی کٹ کی تیاری
جامعہ کراچی کے سائنسدانوں نے کورونا وائرس کو تشخیص کرنے والی کٹ کی تیاری شروع کردی ہے۔ نیشنل انسٹی ٹیوٹ آف وائرلوجی کورونا وائرس کی ڈائگنوسٹک کٹ تیارکررہاہے۔ یہ کٹ چینی سائنسدانوں کے تعاون سے تیارکی جارہی ہے۔
ڈائگنوسٹک کٹ کی تیاری میں اہم پیش رفت کرتے ہوئے متعلقہ سائنسدانوں نے پہلے مرحلے میں کورونا وائرس کا ''پوزیٹیووکنٹرول'' حاصل کرلیاہے۔
دنیا میں کورونا وائرس کی تفصیلات نقشے کی مدد سے دیکھیے