آرمی چیف جنرل راحیل شریف کا جی ایچ کیو آمد پر باضابطہ استقبال گارڈ آف آنر پیش کیا گیا

نئے آرمی چیف جنرل راحیل شریف کو راولپنڈی جنرل ہیڈ کوارٹر پہنچنے پر گارڈ آف آنر پیش کرکے شاندار استقبال کیا گیا۔


جمعہ کو پاک فوج کی کمان سنبھالنے کے بعد ہفتہ اور اتوار کی چھٹی کے بعد نئے آرمی چیف جنرل راحیل شریف جنرل ہیڈ کوارٹر پہنچے تو چیف آف جنرل اسٹاف جنرل اشفاق ندیم نے آرمی کا چیف کا استقبال کیا۔ پاک فوج کے نئے سربراہ کو جی ایچ کیو میں خوش آمدید کہنے کے لئے باضابطہ تقریب منعقد کی گئی، جس میں پاک فوج کے چاق و چوبند دستے نے آرمی چیف کو گارڈ آف آنر پیش کیا .

جنرل ہیڈ کوارٹر آمد کے فورا بعد جنرل راحیل شریف نے شہدا کی یادگار پر پھولوں کی چار چڑھائی اورفاتحہ خوانی ب کی۔ آئی ایس پی آر کے مطابق آرمی چیف جنرل راحیل شریف نے اپنے دفتر میں پرنسپل اسٹاف کے افسران سے ملاقات بھی کی۔