12 سالہ بچے سے  زیادتی کرنے والے 2 ملزمان گرفتار

نجی اسکول میں 12 سالہ بچے سے زیادتی کرنے والے 2 ملزمان کو پولیس نے گرفتار کرلیا۔

ایکسپریس نیوزکے مطابق راولپنڈی میں تھانہ ویسٹریج پولیس نے بچے سے زیادتی کے جرم میں دو ملزمان کو گرفتار کرکے مقدمہ درج کرلیا ہے۔


پولیس حکام کا کہنا ہے کہ تھانہ ویسٹریج کی حدود میں ملزمان جمشید اور عثمان نے 12 سالہ بچے کو پتنگ دینے کا خھانسہ دے کر بند نجی اسکول میں بلایا اور کلاس روم میں زیادتی کا نشانہ بنایا، بچے کی والد کی مدعیت میں مقدمہ درج کرکے دونوں ملزمان کو گرفتار کرلیا گیا ہے اور اسکول کے مالی کو بھی شامل تفتیش کیا گیا ہے، جب کہ متاثرہ بچے کو طبی امداد اور ڈی این اے ٹیسٹ کے لیے ڈسٹرکٹ ہیڈ کوارٹرز اسپتال منتقل کردیا گیا ہے۔