وسیم اکرم اور آفریدی کی آنکھوں کے اشارے سمجھ لیا کرتا تھامعین خان

سابق کپتان معین خان نے گذشتہ روز وکٹ کیپرز کو آن لائن لیکچردیا، انھوں نے اہم ٹپس دینے کے ساتھ اپنے تجربات بھی شیئر کیے۔


معین خان نے کہاکہ میدان میں دباؤ کا شکار ٹیم کا مورال بلند کرنا وکٹ کیپر کی ذمہ داری ہوتی ہے، بولرز کی پٹائی ہو رہی ہو تو وکٹ کیپرز کو حوصلہ افزائی کے لیے آگے آنا چاہیے۔

انہوں نے کہا کہ بولرز کے ساتھ فیلڈ میں رابطہ بڑھانے کی ضرورت ہے،میں وسیم اکرم اور شاہد آفریدی کی آنکھوں کے اشارے سمجھ لیا کرتا تھا، دونوں بولرز کے ساتھ مل کر میں نے کئی بڑے بیٹسمینوں کو پویلین کی راہ دکھائی۔