بھارت نے یورینیم کی افزودگی بڑھادی ہے امریکی تھنک ٹینک

ایک امریکی تھنک ٹینک نے انکشاف کیاہے کہ بھارت نے یورینیم کی افزودگی بڑھانے کیلیے ایٹمی تنصیبات کی صلاحیت بڑھادی ہے۔

امریکا کے جوہری عدم توسیع پرکام کرنے والے نجی ادارے انسٹیٹوٹ فار سائنس اینڈانٹر نیشنل سیکیورٹی نے سیٹیلائٹ فوٹیج کی مددسے انکشاف کیاہے کہ بھارت نے میسورکے قریب ریئر مٹیریلز پلانٹ قائم کیاہواہے جہاں گیس سینٹری فیوجزکی تنصیب کوحتمی شکل دی جاچکی ہے،بھارت کایورینیم کی افزودگی بڑھانے کا مقصد فوجی اوردفاعی صلاحیت بڑھانے کے ساتھ ساتھ جوہری ہتھیاروںکی تیاری بھی ہے۔




رپورٹ کے مطابق اگر بھارت نے اس نئی جوہری سائٹ پرکام جاری رکھا توبھارت کی یورینیم افزودگی کی صلاحیت دگنی ہوجائے گی۔رپورٹ کے مطابق بھارت نے میسورمیں ریئرپلانٹ 2010میں قائم کیا تھااوراس پرتیزی سے کام جاری ہے۔دوسری جانب بھارتی حکام کااس حوالے سے کہناتھاکہ میسورکے پلانٹ میں بڑھائی جانے والی یورینیم کی افزودگی بھارت جنگی جوہری آبدوزمیں استعمال کرے گا۔