ریسلنگ چیمپئن انعام بٹ کا فادرز ڈے پر پیغام

ورلڈ بیچ ریسلنگ چیمپئن محمد انعام بٹ نے عالمی فادرز ڈے پر اپنا پیغام جاری کردیا۔

سوشل میڈیا پر اپنے والد کے ساتھ تصویر شیئر کرتے ہوئے محمد انعام بٹ نے کہا کہ شکریہ ابا جان، آپ کی انتھک محنت، قربانی اور راہنمائی کے ساتھ ہی پوری دنیا میں پاکستان کا پرچم بلند کرنے میں کامیاب رہا، الحمد اللہ، ان سب کامیابیوں کا سہراآپ کے سر ہے۔

انعام بٹ کہتے ہیں کہ مجھے اپنے والد پر فخر ہے، آج جو کچھ بھی ہوں، ابو کی دعاو ¿ں اور محنت کی بدولت ہوں۔ میرے والد نے ہمیشہ مجھے سخت محنت کرنے کا سبق سکھایا، انٹرنیشنل سطح پر ملنے والی اب تک کی کامیابیوں پر مطمئن تو ہوں لیکن میرا اصل ہدف اولمپکس چیمپئن بننا ہے، یہ منزل مشکل ضرور ہے لیکن ناممکن ہرگز نہیں۔