- پتوکی کے دو بے گناہ نوجوان بھارت سے رہا ہوکر پاکستان پہنچ گئے
- بی آر ٹی کا مالی بحران سنگین، حکومت کا کلومیٹر کے حساب سے کرایہ بڑھانے کا فیصلہ
- محموداچکزئی کے وارنٹ گرفتاری جاری، 27 اپریل کو عدالت میں پیش کرنے کا حکم
- چینی صدر اور امریکی وزیرخارجہ کی شکوے شکایتوں سے بھری ملاقات
- لاہور؛ 9 سالہ گھریلو ملازمہ پراسرار طور پر جھلس کر جاں بحق، گھر کا مالک گرفتار
- اغوا برائے تاوان کی واردات کا ڈراپ سین؛ مغوی نے دوستوں کے ساتھ ملکر رقم کا مطالبہ کیا
- فیس بک کے بانی کو 50 کھرب روپے کا نقصان ہوگیا
- عازمین حج کیلئے خوشخبری، جناح انٹرنیشنل ایئرپورٹ روڈ ٹومکہ میں شامل
- اسٹاک ایکسچینج میں کاروباری میں تیزی، انڈیکس 72 ہزار 742 پوائنٹس پر بند
- بلدیہ پلازہ میں بیٹھے وکلا کمرے کا ماہانہ کرایہ 55 روپے دیتے ہیں، وزیراعلیٰ بلوچستان
- انٹربینک مارکیٹ میں ڈالر کی نسبت روپیہ تگڑا
- کچے کے ڈاکوؤں سے رابطے رکھنے والے 78 پولیس اہلکاروں کا کراچی تبادلہ
- ایک ہفتے کے دوران 15 اشیا کی قیمتیں بڑھ گئیں
- چینائی میں پاکستانی 19 سالہ عائشہ کو بھارتی شخص کا دل لگادیا گیا
- ڈی جی ایس بی سی اے نے سنگین الزامات کا سامنا کرنے والے افسر کو اپنا اسسٹنٹ مقرر کردیا
- مفاہمت یا مزاحمت، اب ن لیگ کا بیانیہ وہی ہوگا جو نواز شریف دیں گے، رانا ثنا
- پی ایس کیو سی اے کے عملے کی ہڑتال، بندرگاہ پر سیکڑوں کنٹینرپھنس گئے
- ڈھائی گھنٹے میں ہیرے بنانے کا طریقہ دریافت
- پول میں تیزی سے ایک میل فاصلہ طے کرنے کے ریکارڈ کی کوشش
- پروسٹیٹ کینسر کی تشخیص کے لیے نیا ٹیسٹ وضع
وسیم خان نے اسٹاف کو نکالنے کی غلطی کا اعتراف کر لیا
لاہور: وسیم خان نے اسٹاف کو نکالنے کی غلطی کا اعتراف کر لیا جب کہ پاکستان کرکٹ بورڈ کے چیف ایگزیکٹیو کا کہنا ہے کہ احساس ہوتے ہی ہم نے فیصلہ تبدیل کر لیا۔
پاکستان کرکٹ کی سب سے بڑی ویب سائٹ www.cricketpakistan.com.pk کو خصوصی انٹرویو میں وسیم خان نے کہا کہ میں اعتراف کرتا ہوں کہ نچلے درجے کے اسٹاف کو نکالنے کا فیصلہ درست نہیں تھا، اسی لیے ہم نے فوری طورپر اسے تبدیل کرتے ہوئے ان کی بہتری کے لیے سپورٹ فنڈز میں رقم دینے کا اعلان کیا۔
انھوں نے کہا کہ ہمارا مقصد پاکستان کرکٹ کی نیک نامی میں اضافہ کرنا ہے، سسٹم کی بہتری کے لیے نئی تقرریاں کیں لیکن انھیں زیادہ تنخواہیں دینے کا تاثر درست نہیں، مجھے یقین ہے کہ جلد اچھے نتائج سامنے آنا شروع ہوجائیں گے، ہم چاہتے ہیں کہ پاکستانی ٹیم ہمیشہ درجہ بندی میں ٹاپ پر رہے، انھوں نے کہا کہ قومی ٹیم کا دورہ انگلینڈ بہت اہم ہے لیکن ہمارے لیے کھلاڑیوں کی حفاظت اولین ترجیح ہوگی، اس سلسلے میں کوئی کوتاہی نہیں کرسکتے، میزبان بورڈ نے پلیئرز اور کوچنگ اسٹاف کے لیے تمام احتیاطی تدابیر اپنانے کی یقین دہانی کرائی ہے۔
ایک سوال پر وسیم خان نے کہا کہ بابر اعظم نے خود کو کپتانی کا اہل ثابت کیا ہے،وہ جنوبی افریقی گریم اسمتھ کی طرح پاکستانی کامیابیوں میں اہم کرادار ادا کرنے کی اہلیت رکھتے ہیں، یہ تاثر درست نہیں کہ کپتان بنانے سے بابر کی بیٹنگ متاثر ہوگی، وہ ذہنی طورپر مضبوط کھلاڑی ہیں، انھوں نے ٹی ٹوئنٹی کپتان کے طورپر اپنا انتخاب درست ثابت کیا، یہی وجہ ہے کہ اب ون ڈے کرکٹ کے لیے بھی ذمہ داری سونپی گئی ہے۔
انھوں نے کہا کہ پاکستان کرکٹ درست سمت میں جاری ہے، تینوں فارمیٹ میں کارکردگیکا گراف بلند سے بلند تر کرنے کے لیے ہم اقدامات کررہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔