نیب دفتر میں ہنگامہ آرائی مریم نوازاورلیگی قیادت کے خلاف مقدمات درج
تصادم طے شدہ منصوبہ بندی کے تحت ہوا، قانون نافذ کرنے والے اداروں کی ابتدائی رپورٹ
50 گرفتار افراد پر بھی ہنگامہ آرائی اور توڑ پھوڑ کا مقدمہ درج کیا جارہا ہے، ذرائع(فوٹو، آںلائن)
قومی احتساب بیورو(نیب) کے دفتر میں ہنگامہ آرائی کے خلاف تھانہ چوہنگ میں دو مقدمات درج کیے گئے ہیں جن میں مسلم لیگ کی مرکزی رہنما مریم نواز سمیت دیگر اہم سیاسی شخصیات کو نامزد کیا گیا ہے۔
ایکسپریس نیوز کے ذرائع کے مطابق مریم نواز کی نیب میں پیشی کے موقعے پر ہونے والی ہنگامہ آرائی میں توڑ پھوڑ اور سرکاری املاک کو نقصان پہنچانے والے افراد کے خلاف مقدمے کی دو درخواستیں تھانہ چوہنگ کو موصول ہوگئی ہیں۔
یہ خبر بھی پڑھیے: نیب کا (ن) لیگی رہنماؤں و کارکنوں کے خلاف مقدمہ درج کرنے کا فیصلہ
ذرائع کا کہنا ہے کہ مقدمے میں مریم نواز شریف سمیت دیگر اہم سیاسی شخصیات کو نامزد کیا گیا ہےاس کے علاوہ 50 گرفتار افراد پر بھی مقدمہ درج کیا جارہا ہے۔ واقعے کے دو مقدمات درج کرنے کا حکم اعلی پولیس افسران کی طرف سے مل چکا ہے۔ علاوہ ازیں درخواستوں میں نامزد افراد کو مختلف تھانوں میں منتقل کردیا گیا ہے۔
تصادم منصوبہ بندی کے تحت تھا،ابتدائی رپورٹ
قانون نافذ کرنے والے اداروں نے مریم نواز کی نیب آمد کے موقعے پر ہونے والی ہنگامہ آرائی کی رپورٹ حکومت کو بھجوادی ہے جس کے مطابق لیگی کارکنوں کا پولیس سے تصادم منصوبہ بندی کے تحت تھا اور لیگی کارکن اپنے ساتھ گاڑیوں میں شاپنگ بیگز میں پتھر لے کر آئے تھے۔
رپورٹ میں بتایا گیا ہے کہ مریم نواز کی نیب پیشی کے موقعے پر 20 ارکان صوبائی اسمبلی اور 7 ارکان قومی اسمبلی نیب آفس پہنچے۔ اراکین اسمبلی کے علاوہ 700 سو سے زائد لیگی چیئرمین ، وائس چئیرمین اور کارکن نیب کے دفتر پہنچے۔ لیگی رہنما رانا ثناء اللہ ، طلال چوہدری ، مصدق ملک ، کیپٹن ریٹائرڈ محمد صفدر بھی موقعے پر موجود تھے۔
رپورٹ میں مریم نواز سمیت لیگی رہنماوں اور کارکنوں کے خلاف نیب اور پولیس کی مدعیت میں الگ الگ دو مقدمات درج کرنے کی استدعا کی گئی۔
ایکسپریس نیوز کے ذرائع کے مطابق مریم نواز کی نیب میں پیشی کے موقعے پر ہونے والی ہنگامہ آرائی میں توڑ پھوڑ اور سرکاری املاک کو نقصان پہنچانے والے افراد کے خلاف مقدمے کی دو درخواستیں تھانہ چوہنگ کو موصول ہوگئی ہیں۔
یہ خبر بھی پڑھیے: نیب کا (ن) لیگی رہنماؤں و کارکنوں کے خلاف مقدمہ درج کرنے کا فیصلہ
ذرائع کا کہنا ہے کہ مقدمے میں مریم نواز شریف سمیت دیگر اہم سیاسی شخصیات کو نامزد کیا گیا ہےاس کے علاوہ 50 گرفتار افراد پر بھی مقدمہ درج کیا جارہا ہے۔ واقعے کے دو مقدمات درج کرنے کا حکم اعلی پولیس افسران کی طرف سے مل چکا ہے۔ علاوہ ازیں درخواستوں میں نامزد افراد کو مختلف تھانوں میں منتقل کردیا گیا ہے۔
تصادم منصوبہ بندی کے تحت تھا،ابتدائی رپورٹ
قانون نافذ کرنے والے اداروں نے مریم نواز کی نیب آمد کے موقعے پر ہونے والی ہنگامہ آرائی کی رپورٹ حکومت کو بھجوادی ہے جس کے مطابق لیگی کارکنوں کا پولیس سے تصادم منصوبہ بندی کے تحت تھا اور لیگی کارکن اپنے ساتھ گاڑیوں میں شاپنگ بیگز میں پتھر لے کر آئے تھے۔
رپورٹ میں بتایا گیا ہے کہ مریم نواز کی نیب پیشی کے موقعے پر 20 ارکان صوبائی اسمبلی اور 7 ارکان قومی اسمبلی نیب آفس پہنچے۔ اراکین اسمبلی کے علاوہ 700 سو سے زائد لیگی چیئرمین ، وائس چئیرمین اور کارکن نیب کے دفتر پہنچے۔ لیگی رہنما رانا ثناء اللہ ، طلال چوہدری ، مصدق ملک ، کیپٹن ریٹائرڈ محمد صفدر بھی موقعے پر موجود تھے۔
رپورٹ میں مریم نواز سمیت لیگی رہنماوں اور کارکنوں کے خلاف نیب اور پولیس کی مدعیت میں الگ الگ دو مقدمات درج کرنے کی استدعا کی گئی۔