کراچی میں فائرنگ پرتشدد واقعات اور ٹریفک حادثے میں 4 افراد جاں بحق 4 زخمی

ATLANTIC CITY:
شہر میں فائرنگ، پرتشدد واقعات اور ٹریفک حادثے کے نتیجے میں 4 افراد جاں بحق اور 4 زخمی ہوگئے۔


ایکسپریس نیوز کے مطابق کراچی کے علاقے منگھوپیرمیں نادرن بائی پاس کے قریب سے ایک شخص کی ہاتھ پاؤں بندھی تشدد زدہ لاش ملی، پولیس کے مطابق مقتول کو اغوا کے بعد گولیاں مارکر قتل کیا گیا، ہاکس بے روڈ پر نامعلوم افراد کی فائرنگ سے جاوید نامی شخص جاں بحق ہوگیا، جب کہ سچل کے علاقے صفورہ چورنگی کے قریب گلشن عمیر کے ایک گھر سے 30 سالہ زاہد نامی شخص کی پھندہ لگی لاش برآمد ہوئی۔

دوسری جانب ناگن چورنگی کے قریب ٹریفک حادثے کے نتیجے میں ایک شخص جاں بحق جب کہ خواتین اور بچوں سمیت 4 افراد زخمی ہوگئے۔