شیری کو ڈھیروں خوشیاں ملنے کے لیے دعاگو ہوں مایا خان

ISLAMABAD:
ایکسپریس سے پیش کیا جانے والے مایا خان کا ایک اور دلچسپ پروگرام گزشتہ روز پیش کیا گیا۔

مایا خان شو میں معروف اداکارہ شیری شاہ کی ڈھولکی پر خصو صی پروگرام نے ناظرین مین دلچسپی پیدا کردی ان کی حال ہی میں شادی ہو ئی ہے ان کی اچانک شادی کی خبرنے سب کو حیران کر ڈالا تھا،مایا خان نے شو کے دوران گفتگو کرتے ہوئے کہا کہ شیری سے میرا بہنوں جیسا رشتہ بن گیا ہے دعاگوہوںکہ شادی کے بعد شیری کی زندگی میں ڈھیروں خوشیاں آئیں، اداکار فیصل نقوی اور ان کی اہلیہ ما ریہ کے گھر پر ہو نے والے اس اسپیشل پروگرام میں نئی نویلی دلہن شیری شاہ کی شرکت نے چار چاند لگادیے، شیری کی آمد نے سب کے چہروں پر خوشیاں بکھیر دیں، اس سر پرائز انٹری پر سب نے دل کھول کرشیری کا استقبال کیا۔




شادی کے بعد شیری کی کسی بھی ٹی وی شو میں یہ پہلی شرکت تھی، شیری کا کہنا تھا کہ ما یا خان کی بہت شکر گزار ہوں جنھوں نے مجھے اتنی محبت دی اس تقریب کو کبھی فراموش نہیں کر سکوں گی ،اداکار ہ کنول نذر ،عمران رضوی ،ڈیزائنر عامر بیگ اور ان کی اہلیہ نے بھی پروگرام میں شرکت کی اور شیری کو شادی کی مبارک باد دی، مایا خان شو میں پیش کیے جانے والے اس پروگرام کو زبردست پزیرائی حاصل ہوئی ناظرین نے اسے ایک منفرد اور دلچسپ پروگرام قرار دیا۔