پاک چین وزرائے خارجہ مذاکرات کے مشترکہ اعلامیہ پر بھارتی بیان مسترد
بھارت کا بیان سلامتی کونسل کی قراردادوں اور تاریخی و قانونی حقائق کے برخلاف ہے، ترجمان
بھارتی بیان سلامتی کونسل کی قراردادوں اور تاریخی و قانونی حقائق کے برخلاف ہے، ترجمان۔ فوٹو : فائل
PARIS:
پاکستانی دفترخارجہ نے پاک چین وزرائے خارجہ کے ہونےو الے مذاکرات کے مشترکہ اعلامیے پر بھارتی بیان کو مسترد کردیا ہے۔
ترجمان دفترخارجہ نے پاک چین وزرائے خارجہ کے مابین ہونے والے مذاکرات کے مشترکہ اعلامیہ پر بھارتی بیان کو مسترد کرتے ہوئے کہا ہے کہ بھارتی وزارت خارجہ کے ترجمان کا بیان بلا جواز اور غیرذمہ دارانہ ہے لہذا بھارتی بیان کو سختی سے مسترد کرتے ہیں۔ بھارتی وزارت خارجہ کی طرف سے جموں و کشمیر کو خودساختہ اٹوٹ انگ قرار دینا مضحکہ خیز ہے، بھارتی بیان سلامتی کونسل کی قراردادوں اور تاریخی و قانونی حقائق کے برخلاف ہے۔
ترجمان دفتر خارجہ زاہد حفیظ چوہدری کا کہنا تھا کہ بھارتی دعوؤں کی کوئی بنیاد نہیں، سی پیک کے خلاف بھارتی پراپیگنڈا کو بھی مسترد کرتے ہیں، بھارت عالمی برادری کو گمراہ کرنے کے لئے مایوس کن حد تک کوششیں کر رہا ہے، بھارت کا اس معاملے پر کوئی تاریخی، قانونی یا اخلاقی جواز نہیں ہے جب کہ بھارت کے جھوٹے دعوے حقائق نہیں جھٹلاسکتے۔
ترجمان دفترخارجہ نے کہا کہ مقبوضہ کشمیر میں بھارتی ریاستی دہشت گردی کو جھٹلایا نہیں جاسکتا، بھارت کشمیری عوام کے بنیادی حقوق غصب کیے ہوئے ہے، بھارت اپنی بین الاقوامی ذمہ داریاں پوری کرے جب کہ جموں و کشمیر کے عوام کو سلامتی کونسل کی قراردادوں کے مطابق حق خود ارادیت دینا ہوگا۔
پاکستانی دفترخارجہ نے پاک چین وزرائے خارجہ کے ہونےو الے مذاکرات کے مشترکہ اعلامیے پر بھارتی بیان کو مسترد کردیا ہے۔
ترجمان دفترخارجہ نے پاک چین وزرائے خارجہ کے مابین ہونے والے مذاکرات کے مشترکہ اعلامیہ پر بھارتی بیان کو مسترد کرتے ہوئے کہا ہے کہ بھارتی وزارت خارجہ کے ترجمان کا بیان بلا جواز اور غیرذمہ دارانہ ہے لہذا بھارتی بیان کو سختی سے مسترد کرتے ہیں۔ بھارتی وزارت خارجہ کی طرف سے جموں و کشمیر کو خودساختہ اٹوٹ انگ قرار دینا مضحکہ خیز ہے، بھارتی بیان سلامتی کونسل کی قراردادوں اور تاریخی و قانونی حقائق کے برخلاف ہے۔
ترجمان دفتر خارجہ زاہد حفیظ چوہدری کا کہنا تھا کہ بھارتی دعوؤں کی کوئی بنیاد نہیں، سی پیک کے خلاف بھارتی پراپیگنڈا کو بھی مسترد کرتے ہیں، بھارت عالمی برادری کو گمراہ کرنے کے لئے مایوس کن حد تک کوششیں کر رہا ہے، بھارت کا اس معاملے پر کوئی تاریخی، قانونی یا اخلاقی جواز نہیں ہے جب کہ بھارت کے جھوٹے دعوے حقائق نہیں جھٹلاسکتے۔
ترجمان دفترخارجہ نے کہا کہ مقبوضہ کشمیر میں بھارتی ریاستی دہشت گردی کو جھٹلایا نہیں جاسکتا، بھارت کشمیری عوام کے بنیادی حقوق غصب کیے ہوئے ہے، بھارت اپنی بین الاقوامی ذمہ داریاں پوری کرے جب کہ جموں و کشمیر کے عوام کو سلامتی کونسل کی قراردادوں کے مطابق حق خود ارادیت دینا ہوگا۔