3 بہنوں کو بھائی سمیت قتل کرنے والا درندہ صفت ملزم گرفتار

راولپنڈی پولیس نے 3 بہنوں کو بھائی سمیت قتل کرنے والے درندہ صفت ملزم غلام عباس کو گرفتار کرلیا۔

پولیس ترجمان کا کہنا ہے کہ ملزم غلام عباس کے خلاف 4 افراد کو قتل کرنے کے 2 الگ الگ مقدمات درج کیے گئے تھے، قتل کی واردات میں ملزم نے فائرنگ کرکے اپنے بھائی خرم شہزاد کی دوسری بیوی اریج کنول کو زخمی جب کہ دیگر 3 بہنوں فائزہ کرن، صباحت ارم اور حرا اور ان کے بھائی حیدر علی کو قتل کردیا تھا۔


پولیس کا کہنا تھا کہ سی پی او احسن یونس نے ملزم کی گرفتاری کے لیے خصوصی ٹیمیں تشکیل دی تھیں جنہوں نے انتھک کوششوں کے بعد ملزم کو واردات کے 24 گھنٹے بعد گرفتار کرلیا تھا۔

پولیس کا کہنا تھا کہ ملزم کو تھانہ ایئرپورٹ کی حوالات میں بند کیا گیا ہے، صبح عدالت میں پیش کرکے جسمانی ریمانڈ حاصل کیا جائے گا۔