کراچی ٹیبل ٹینسمینز ٹیم ایونٹ عیسیٰ کلب نے جیت لیا

عیسٰی کلب اے نے اسلامیہ کلب اے کو3-1 سے شکست دے کر کراچی ٹیبل ٹینس چیمپئن شپ کا مینز ٹیم ایونٹ اپنے نام کر لیا۔

مجید خان جمنازیم میں فاتح ٹیم کے عطا عباس نے سلمان سلیم، راحیل نے آحل اور عطا عباس نے مزمل کو ہرایا،ناکام ٹیم کے مزمل نے نادرسہیل کوشکست دی،آحل شاہ نے سخت مقابلے کے بعد اسلامیہ کلب ہی کے مہدی رضا کو3-2 سے زیر کرکے بوائزانڈر18 سنگلز ٹائٹل جیتا، اسلامیہ کلب ہی کی عتیقہ خان نے سندھ اسپورٹس بورڈ کی حلیمہ علی کو3-1 سے قابو کر کے گرلز انڈر18 سنگلز ایونٹ پرقبضہ جمالیا، ویمنز سنگلز رینکنگ ایونٹ کا فائنل اریبہ علی اور انعم سعید کے درمیان کھیلا جائے گا۔




سیمی فائنل میں اریبہ علی نے زہرہ بشیر کو3-0 اورانعم سعید نے عائشہ رفیق کو3-0 سے زیرکیا، بوائزسنگلز انڈر18 کے سیمی فائنل میںآحل شاہ نے حسن عمر کو3-2 اورمہدی رضا نے مہدی اظہر کو3-1 سے ہرایا،ویمنز سنگلزکے کوارٹر فائنل میں ملیحہ خورشید نے سعدیہ راحیل کو3-2،قرت العین نے اقرا سعید کو 3-0،اریبہ علی نے فرح الیاس کو3-2اورطیبہ سلیمان نے کائنات کو3-0 سے مات دی، جمعرات کو چیمپئن شپ میں مینز اور ویمنز اوپن اور رینکنگ فائنلز کھیلے جائیں گے، اختتامی تقریب کے مہمان خصوصی میونسپل کمشنر اور ڈپٹی کمشنر ایسٹ سمیع الدین صدیقی انعامات تقسیم کریں گے۔