ٹی ٹوئنٹی اور ون ڈے ٹیم کےکپتان بابراعظم 26سال کے ہوگئے

پاکستان ٹی ٹوئنٹی اور ون ڈے ٹیم کےکپتان بابراعظم آج 26ویں سالگرہ ہے منارہے ہیں۔

15 اکتوبر 1994 کو لاہورمیں پیدا ہونے والے ٹی ٹوئنٹی اور ون ڈے ٹیم کےکپتان بابراعظم 26 سال کے ہوگئے ہیں، راولپنڈی اسٹیڈیم میں سینٹرل پنجاب کی ٹیم نے خیر پختون خوا کے خلاف کامیابی حاصل کرکے کپتان کی سالگرہ کو یادگار بنادیا۔

اس موقع پر ٹیم انتظامیہ نے چھوٹی سی تقریب کا بھی اہتمام کیا، بابراعظم کو جب اچانک کیک کاٹنے کی دعوت دی گئی تو وہ حیران رہ گئے، ساتھی کھلاڑیوں نے مبارکباد دینے کے ساتھ کپتان کے ساتھ تصاویر بھی بنوائیں، ٹیم مینجر اظہر زیدی نے کھلاڑیوں کے آٹوگراف والی سینٹرل پنجاب کی شرٹ انہیں تحفہ میں دی۔