غزل گائیکہ منی بیگم کان کے آپریشن کے بعد بھارت چلی گئیں

اپنے مخصوص اندازگائیکی کی وجہ سے منفردپہچان رکھنے والی معروف غزل گائیکہ منی بیگم کان کا کامیاب آپریشن کروانے کے بعد پرفارم کرنے کے لیے بھارت روانہ ہوگئیں ہیں۔

جہاں وہ دو ہفتے قیام کرنے کے دوران مختلف مقامات پرسجنے والی محفلوںمیں اپنے فن کا جادو جگائیں گی۔ تفصیلات کے مطابق امریکا شفٹ ہوجانیوالی معروف غزل گائیکہ منی بیگم کچھ عرصہ قبل کان میں شدید تکلیف کے باعث علاج کروانے کے لیے کراچی پہنچیں جہاں پرمقامی اسپتال سے ان کا کامیاب آپریشن کروایا گیا ۔




ڈاکٹروں کی جانب سے احتیاطی تدابیر کے ساتھ ساتھ آرام کا مشورہ دیا گیا جس پرعمل کرتے ہوئے ایک ماہ سے زائد تک منی بیگم کراچی میں اپنی فیملی کے ہمراہ رہیں اورمکمل صحتیاب ہونے کے بعد ان دنوں وہ بھارت کے دورے پر ہیں جہاں وہ مختلف مقامات پراپنے فن کا مظاہرہ کرینگی۔ گلوکارہ منی بیگم کی چھوٹی بہن نے ''ایکسپریس'' سے گفتگوکرتے ہوئے بتایاکہ بھارت کے مختلف شہروں میں پرفارمنس کے بعد منی بیگم ڈیڑھ ہفتے بعد کراچی پہنچ جائیں گی اورپھریہاں مخلتف چینلز کی نشریات میں بھی شریک ہونگی۔

یصر افتخار