پرویزمشرف نے خصوصی عدالت کے اختیارات کو اسلام آباد ہائیکورٹ میں چیلنج کردیا
پرویز مشرف کیخلاف خصوصی عدالت میں ٹرائل نہیں ہوسکتا، ٹرائل کرنا ہے تو فوجی عدالت میں آرمی ایکٹ کے تحت کیاجائے، درخواست
وفاقی حکومت کی پرویز مشرف کے خلاف آرٹیکل 6 کی کارروائی بدنیتی پر مبنی ہے، وکیل خالد رانجھا فوٹو: فائل
سابق صدر پرویزمشرف نے غداری کے مقدمے کے لئے قائم کی جانے والی خصوصی عدالت کے اختیارات کو اسلام آباد ہائی کورٹ میں چیلنج کردیا۔
ایکسپریس نیوز کے مطابق اسلام آباد ہائیکورٹ میں دائر کی جانے والی درخواست میں پرویز مشرف کے وکیل خالد رانجھا نے مؤقف اختیار کیا ہے کہ وفاقی حکومت کی جانب سے آرٹیکل 6 کے تحت کارروائی بدنیتی پر مبنی ہے، نوازشریف حکومت پرویز مشرف کے خلاف کارروائی کرکے سیاسی پوائنٹ اسکورنگ کرناچاہتی ہے۔ 3 نومبر کا اقدام انفرادی نہیں اجتماعی تھا۔ درخواست میں کہا گیا ہے کہ پرویز مشرف کے خلاف خصوصی عدالت میں ٹرائل نہیں ہوسکتا، اگرکوئی ٹرائل کرنا ہے تو فوجی عدالت میں آرمی ایکٹ کے تحت کیاجائے۔
واضح رہے کہ گزشتہ روز سابق صدر کے برطانوی وکلا نے غداری کیس کو سیاسی قرار دیتے ہوئے اقوام متحدہ سے مداخلت کی درخواست بھی ہے۔ وکلا کا کہنا تھا کہ پرویز مشرف کے خلاف حکومت پاکستان کی طرف سے شروع کیا گیا مقدمہ سیاسی اور ٹرائل محض نمائشی ہے لہٰذا اقوام متحدہ اس میں مداخلت کرے۔
ایکسپریس نیوز کے مطابق اسلام آباد ہائیکورٹ میں دائر کی جانے والی درخواست میں پرویز مشرف کے وکیل خالد رانجھا نے مؤقف اختیار کیا ہے کہ وفاقی حکومت کی جانب سے آرٹیکل 6 کے تحت کارروائی بدنیتی پر مبنی ہے، نوازشریف حکومت پرویز مشرف کے خلاف کارروائی کرکے سیاسی پوائنٹ اسکورنگ کرناچاہتی ہے۔ 3 نومبر کا اقدام انفرادی نہیں اجتماعی تھا۔ درخواست میں کہا گیا ہے کہ پرویز مشرف کے خلاف خصوصی عدالت میں ٹرائل نہیں ہوسکتا، اگرکوئی ٹرائل کرنا ہے تو فوجی عدالت میں آرمی ایکٹ کے تحت کیاجائے۔
واضح رہے کہ گزشتہ روز سابق صدر کے برطانوی وکلا نے غداری کیس کو سیاسی قرار دیتے ہوئے اقوام متحدہ سے مداخلت کی درخواست بھی ہے۔ وکلا کا کہنا تھا کہ پرویز مشرف کے خلاف حکومت پاکستان کی طرف سے شروع کیا گیا مقدمہ سیاسی اور ٹرائل محض نمائشی ہے لہٰذا اقوام متحدہ اس میں مداخلت کرے۔